"Paxtakor" - "Qizilqum": Uchrashuv raqamlari va malumotlar

1-tur bellashuvidan oldin biz jamoalar to'qnashuvlariga oid raqamlar va malumotlarni keltirib o'tamiz.

Oliy ligada jamoalar 34 uchrashuvda maydonga tushishgan. O'zaro o'yinlar bo'yicha ustunlik yaqqol "sherlar" tarafida. 28 bahsda zafar quchgan "Paxtakor" 5 bor raqib bilan durang o'ynagan va bir marta imkoniyatni boy bergan. "Qizilqum" darvozasiga 91 gol urilib, 19 to'p o'tkazib yuborilgan.

Toshkentdagi uchrashuvlarning 14tasida jamoamiz g'alaba qozonib, 2 durang va 1 mag'lubiyatni qayd etgan. Navoiy jamoasi oxirgi marta safarda 2010 yil ochko olgan - 0:0. Mehmondagi so'nggi golini "Qizilqum" 2009 yil kiritgan.

Oliy liga tarixida qayd etilgan eng yirik natija - 11:0 hisobi jamoalarning Navoiyda 2007 yil o'tgan bellashuvida kuzatilgan. O'shanda "Paxtakor" mezbonlarni o'ta yirik hisobda dog'da qoldirgan.

Uchrashuvni SHerzod Qosimov boshchiligidagi hakamlar guruhi boshqarib boradi. Hozirgacha oliy ligada Qosimov "Paxtakor" ishtirokidagi 8 bellashuvda o'yinni boshqargan. Ularning 5tasida jamoamiz zafar quchgan bo'lsa, 1 durang va 2 mag'lubiyat qayd etilgan.

"PAXTAKOR" - "QIZILQUM"
Hakamlar: SHerzod Qosimov (Toshkent), Timur Galeev (Toshkent), Akbar Po'latov (Toshkent), Igor Xudoydotov (Toshkent).
Nazoratchi: Igor Nexochin (Namangan).
PFL vakili: SHerzod Rajabov.

Yoshlar tarkiblari o'yini 2 mart, payshanba kuni 16:00da Qibraydagi stadionda start olsa, asosiy jamoalar to'qnashuvi 3 mart, juma kuni "Paxtakor" stadionida 17:00da boshlanadi.

Mazkur uchrashuvda "Paxtakor" stadioniga tashrif buyuradigan muxlislarni ajoyib sovg'alar kutmoqda. Mavsumiy abonement va chipta sotib olgan har bir ishqiboz "Omadli muxlis" sovrinli akciyasida ishtirok etib, asosiy sovg'a sifatida "Damas" avtomobilini yutib olish imkoniyatiga ega bo'ladi. SHuningdek, stadionga kelgan muxlislar barcha qulayliklardan foydalanishi mumkin va bu borada zarur ishlar amalga oshiriladi.

CHiptalar 10 va 20 ming so'mdan stadion kassalarida 2 mart kunidan sotuvga chiqadi va chiptalarni markaziy stadioni kassalaridan xarid qilishingiz mumkin bo'ladi.