Parimatch Premer Kubogi. “Rostov” Serbiya jamoasini engdi, SHomurodov esa 2020 yildagi ilk golini urdi
04 fev 2020 22:00
Yangiliklar

Parimatch Premer Kubogi. “Rostov” Serbiya jamoasini engdi, SHomurodov esa 2020 yildagi ilk golini urdi

Qatarda bo'lib o'tayotgan Parimatch Premer Kubogining 2-turi doirasida “Rostov” Serbiyaning “Partizan” klubiga qarshi to'qnash keldi.

Uchrashuvni zaxiradan boshlagan Eldor SHomurodov 19-daqiqada Matias Normanning o'rniga maydonga tushdi. SHundan keyin, bo'lim o'rtalarida Eldorning say-harakatlari evaziga Pavel Mamaev hisobni ochdi. 2-taym boshida Aleksandr Dolgov oradagi farqni oshirdi. 73-daqiqada esa SHomurodov bosh bilan gol urib, hisobni yiriklashtirdi – 3:0. Bu o'zbekistonlik hujumchining joriy yildagi ilk goli bo'ldi.

Asosiy bo'limning oxirlarida “Partizan”ning nigeriyalik futbolchisi Umar Sodiq raqib darvozasiga belgilangan penaltini aniq amalga oshirib, hisobni qisqartirdi va o'yin 3:1 natijasi bilan yakunlandi.

"Partizan" (Serbiya) – "Rostov" (Rossiya) – 1:3 (0:1)
Gollar: 0:1 – Mamaev (32), 0:2 – Dolgov (57), 0:3 – SHomurodov (73), 1:3 – Sodiq (87, penalti).
"Rostov": Pesyakov, Kozlov (Logashov, 60), Xadjikadunich (CHistyakov, 48), Osipenko (Kojemyakin, 60), CHernov (Vedernikov, 72), Eremenko (Livadnov, 83), Normann (SHomurodov 19), Popov (Bezrukov, 72), Mamaev (Saplinov, 60), Zaynutdinov (Osinov, 67), Bayramyan (Dolgov, 48).