O'zPFL "Buxoro" - "Andijon" va "Xorazm" - "Dinamo" uchrashuvlari qaerda bo'lishini malum qildi

Unga ko'ra, "Buxoro" Samarqandda "Andijon"ga qarshi o'yinni mezbon sifatida o'ynaydi. Bahs 13 iyun kuni soat 20:00da start oladi. 

"Xorazm" - "Dinamo" o'yini esa 15 iyun kuni Jizzaxda o'tkaziladi. Bu uchrashuv boshlanish vaqti 20:00ga belgilangan.

O'zPFL ushbu vaziyatga izox berib o'tdi:

"Xorazm" Superligaga qaytgan joriy mavsumidagi 6 ta uy uchrashuvini boshqa shaharlarda o'tkazishiga to'g'ri keldi. Jumladan, klub ikki uy uchrashuvida raqiblarini Toshkentdagi "Do'stlik" stadionida va yana shunchasini Jizzaxdagi "So'g'diyona" stadionida qabul qildi. OKMK hamda "Bunyodkor" klublariga qarshi uy o'yinlari esa raqibi maydonida bo'lib o'tdi.

Malumki, Buxoro shahridagi stadionning yoritish tizimi bilan bog'liq muammo hozirga qadar hal qilinmagan. Buning oqibatida "Buxoro" klubi Superliganing joriy mavsumidagi 5 ta uy uchrashuvidan 4 tasini Toshkentdagi "Jar" stadionida va yana 1 ta uchrashuvni raqibi "Bunyodkor" maydonida o'tkazishiga to'g'ri keldi".