O'zbekiston U-16 terma jamoasi nazorat o'yinida Paxtakor yoshlariga mag'lub bo'ldi

SHu yilning 6-20 sentyabr kunlari Tailandda o'tkaziladigan U-16 o'smirlar o'rtasidagi Osiyo CHempionati final bosqichiga tayyorgarlik ko'rayotgan O'zbekiston o'smirlar terma jamoasi 4 avgust kuni Toshkentda o'zining navbatdagi o'quv-mashg'ulot yig'inini boshlagani haqida xabar bergan edik.

Aleksandr Mochinov bosh murabbiyligidagi O'zbekiston U-16 o'smirlar terma jamoasi yig'in davomida bir nechta nazorat uchrashuvlarida maydonga tushishi rejalashatirilgan edi. Kecha, Toshkentdagi JAR stadionida Mochinov shogirdlari yig'in davomidagi ilk nazorat o'yinida Toshkentning Paxtakor klubi yoshlariga qarshi maydonga tushishdi. Qiziqarli kechgan uchrashuvda 3:1 hisobida Paxtakor yoshlari g'alaba qozonishdi.

O'zbekiston U-16 o'smirlar terma jamoasi yig'in davomidagi ikkinchi nazorat o'yinini 9 avgust kuni Bunyodkor klubi yoshlariga qarshi o'tkazadi. Mazkur o'yin ham JAR stadionida o'tkazilishi rejalashtirilgan.

Eslatib o'tamiz, O'zbekiston U-16 o'smirlar terma jamoasi shu yilning 6-20 sentyabr kunlari Tailandda bo'lib o'tadigan U-16 o'smirlar o'rtasidagi Osiyo CHempionatida ishtirok etadi.

Nazorat uchrashuvi.
5 avgust. JAR stadioni.
O'zbekiston U-16 - Paxtakor (yoshlar) - 1:3