O'zbekiston terma jamoasi "Paxtakor"da mashg'ulot o'tkazdi

Samvel Babayan boshchiligidagi terma jamoamiz bugun soat 16:00da "Paxtakor" markaziy stadionida yig'inga kirishdi.

Kuni kecha oliy ligada tur o'yinlarini o'tkazgan "Paxtakor", "Bunyodkor", "Lokomotiv" jamoalari futbolchilari va Xitoy chempionatidagi vakillarimiz Egor Krimec, Anzur Ismoilov hamda Igor Sergeev mashg'ulotlarda ishtirok etishdi. Qolgan futbolchilar esa klublari safidagi chempionat o'yinlarini o'tkazib bo'lgandan so'ng terma jamoa ixtiyoriga etib kelishadi.

Futbolchilar mashg'ulotning dastlabki 15 daqiqasida engil tartibda shug'ullanishdi.

Babayan mashg'ulot avvalida odatga ko'ra barcha futbolchilarni yig'di va ulardan o'zlarini qanday his qilayotishganini so'radi. Hech kimda jarohat yo'q shekilli, birorta futbolchi jarohati bilan bog'liq shikoyat qilmadi.

Mashg'ulotning dastlabki 15 daqiqasi OAV xodimlari uchun ochiq bo'ldi.

Bugungi mashg'ulotda ishtirok etgan futbolchilar ro'yxati:  

Darvozabonlar: Aleksandr Lobanov (“Paxtakor), Ignatiy Nesterov (“Lokomotiv”).

Himoyachilar: Egor Krimec (“Beyjin Goan” – Xitoy), Anzur Ismoilov (CHangchun Yatay – Xitoy), Islom To'xtaxo'jaev (“Lokomotiv”), Davron Xoshimov (“Paxtakor”), Stanislav Andreev (“Paxtakor”), Otabek SHukurov (“Bunyodkor”).

Yarim himoyachilar: Javohir Sohibov (“Paxtakor”), Jaloliddin Masharipov (“Paxtakor”), Eldor SHomurodov (“Bunyodkor”), Server Jeparov (“Lokomotiv”), Jamshid Iskanderov (“Paxtakor”), Marat Bikmaev (“Lokomotiv”).

Hujumchi: Igor Sergeev (“Beyjin Goan” – Xitoy).