O'zbekiston ayollar MTJ o'yini munosabati bilan "So'g'diyona" – "Metallurg" o'yini vaqti o'zgardi

SHu tariqa Liga uchrashuv vaqtini 8 aprel kuni 15:30 qilib o'zgartirdi. 

"Sport" telekanali hamda Liga o'zaro kelishgan holda mazkur uchrashuv soatini ikki hafta ilgari hal qilgandi. Kecha, 3 aprel kuni MTRK telekanallaridan biri O'zbekiston ayollar terma jamoasining SHarqiy Timorga qarshi bellashuvini jonli namoyish etishi kerakligi oydinlashgan. Bu esa "So'g'diyona" – "Metallurg" uchrashuvi jonli efirda namoyish etilmasligiga olib kelishi mumkin edi. SHundan kelib chiqib, Liga, "Sport" telekanali hamda har ikki klub o'zaro kelishgan holda bellashuvni 15:30 dan boshlab to'g'ridan-to'g'ri efirga uzatishni rejalashtirdi. 

Malumot uchun, ayni vaqtda Jizzaxdagi "So'g'diyona" stadioni maydonini tamirlash ishlari davom etmoqda. Tez orada klub asosiy stadioniga qaytadi hamda uchrashuvni shom vaqtidan keyin ham boshlash imkoniyati vujudga keladi.