Otabek Valijonov: “Andijon”da 4 yil oldin ham o'ynaganman”

Biz yangi mavsum oldindan futbolchining fikrlari bilan qiziqdik. 

“Baxtiyor Ashurmatovning taklifiga binoan “Andijon”ga keldim. “Navbahor” bilan amaldagi shartnomam yakuniga etgandi. Xorijda ham bir klubdan boshqasiga o'tish holati ko'p uchrab turadi. Professional futbolchi sifatida barchamiz bunga tayyor bo'lishimiz kerak. Yodingizda bo'lsa 2012 yilda ham aynan “burgutlar” safida o'ynaganman. SHu bois jamoadagi ko'plab o'yinchilarni juda yaxshi taniyman. Ular orasida men uchun qadrdon futbolchilar ham bor. 

Yangi mavsumda maqsadimiz yaxshi o'rinlarni egallash. Imkon qadar yuqori o'rinlarni band etishga harakat qilamiz. Tarkib ham shunga monand ravishda kuchaytirilmoqda. Oliy ligada ko'p yillardan buyon o'ynab kelayotgan o'yinchilar jamoaga jalb etilmoqda.

“Navbahor” muxlislariga minnatdorchilik bildiraman. Ular doim jamoani va futbolchilarni qo'llab quvvatlashardi. Qaerda o'ynashimdan qatiy nazar hamisha ularni hurmat qilaman va yaxshi ko'raman", - deydi Otabek Valijonov.