Osiyo Kubogi: Yaponiya terma jamoasi

“Samuraylar” oxirgi 4 chempionatdan 3tasida g'olib chiqishdi. Bugungi kunda Yaponiyaga qitamizda Avstraliya yoki Janubiy Koreya teng kelishi mumkinligini ko'pchilik bashorat qilmoqda. Voqealar qanday rivojlanishini Osiyo Kubogida ko'rib olamiz.



Yaponiya terma jamoasi
Laqabi: “ko'k samuraylar”
Bosh murabbiyi: Xaver Agirre (Meksika)
Sardori: Makoto Xasebe
Eng ko'p o'ynagan futbolchisi: Yasuxito Endo (148)
To'purari: Kunishige Kamamoto (80)
FIFA reytingida o'rni: 54
Birinchi uchrashuvi: Xitoy – 0:5 (Tokio, 1917 yil 9 may)
Eng yirik g'alabasi: Filippin – 15:0 (Tokio, 1967 yil 27 sentyabr)
Eng yirik mag'lubiyati: Filippin – 2:15 (Tokio, 1917 yil 10 may)
Jahon chempionatida 5 marta ishtirok etgan. Osiyo Kubogida 7 bor qatnashib, 4 marta chempion bo'lgan-1992, 2000, 2004, 2011. Konfederaciyalar Kubogida 4 marta qatnashib, 2001 yil finalga chiqqan.

Meksikalik murabbiy faoliyati mobaynida “acteklar” termasini KONKAKAF Kubogida g'alabalarga chorlay olgani bilan mashhur. SHuningdek, Ispaniyaning bir qator klublarida faoliyat olib borgan. Yaponiya termasini o'tgan yilning yozidan buyon boshqarib kelmoqda.



Xaver AGIRRE
Tug'ilgan sanasi: 01.12.1958
Tug'ilgan joyi: Mexiko, Meksika
Futbolchilikdagi poziciyasi: yarim himoyachi
O'ynagan jamoalari: 1979–1980 “Amerika” 9 (1), 1980–1981 “Los Anjeles Acteks” 30 (4), 1981–1984 “Amerika” 128 (31), 1984–1986   “Atlante” 31 (3), 1986–1987 “Osasuna” 13 (0), 1987–1993 “Gvadalaxara” 181 (17).
Meksika terma jamoasida 1983–1992 yillarda 59 uchrashuvda 14 to'p kiritgan.

Boshqargan jamoalari: 1995–1996 “Atlante”, 1998–2001 “Pachuka”, 2001–2002 Meksika terma jamoasi, 2002–2006 “Osasuna”, 2006–2009 “Atletiko” Madrid, 2009–2010 Meksika terma jamoasi, 2010–2011 “Saragosa”, 2012–2014 “Espanol”, 2014 yildan Yaponiya terma jamoasida.
Sovrinlari: Meksika chempioni-1999, KONKAKAF “Oltin Kubogi” g'olibi-2009.

Terma jamoada 11 nafar Evropa birinchiliklarida o'ynaydigan futbolchilar bor. Yana 10 nafar SHveycariya, Portugaliya, Gollandiya, Germaniya va Ispaniyada to'p tepadigan o'yinchilar ro'yxatdan o'rin olmagan. Eyji Kavashima, Yuto Nagatomo, Maya Yoshida, Yasuxito Endo, SHinji Kagava, Yasuyuki Konno, Makoto Xasebe, Keysuke Xonda va SHinji Okazaki singari futbolchilar jamoaning etakchilari sanaladi. “Samuraylar” qitamizda eng yulduzli tarkibga ega jamoadir.

Darvozabonlar	O'	G
1. Eyji Kavashima	64	0	Standart, Belgiya
12. SHusaku Nishikava	15	0	Urava Reds
23. Masaaki Xigashiguchi	0	0	Gamba Osaka
Himoyachilar
2. Naomichi Ueda	0	0	Kashima Antlers
3. Gotoku Sakai	19	0	SHtutgart, Germaniya
5. Yuto Nagatomo	76	3	Inter, Italiya
16. Cukasa SHiotani	2	0	Sanfrechche Xirosima
18. Gen SHoji	0	0	Kashima Antlers
21. Kosuke Ota	3	0	Tokio
22. Maya Yoshida	49	3	Sautgempton, Angliya
Yarim himoyachilar
6. Masato Morishige	17	1	Tokio
7. Yasuxito Endo	148	14	Gamba Osaka
10. SHinji Kagava	63	19	Borussiya D, Germaniya
13. Xiroshi Kiyotake	26	1	Gannover, Germaniya
15. Yasuyuki Konno	84	2	Gamba Osaka
17. Makoto Xasebe	83	2	Ayntraxt, Germaniya
20. Gaku SHibasaki	4	1	Kashima Antlers
Hujumchilar
4. Keysuke Xonda	65	24	Milan, Italiya
8. Takashi Inui	14	2	Ayntraxt, Germaniya
9. SHinji Okazaki	84	40	Maync, Germaniya
11. Yoxei Toyoda	6	1	Sagan Tosu
14. Yoshinori Muto	6	1	Tokio
19. YU Kobayashi	2	0	Kavasaki Fronteyl

Behzod Nazarov tayyorladi