Osimxen arablar bilan muzokaralar haqida: "Qancha rad etsam, shuncha ko'p taklif qilishardi"

“Haqiqatdan ham men muzokara olib borganman. Avgust oyida qaror qabul qilishim kerak edi.

Qanchalik rad etsam, shuncha ko'p pul taklif qilishdi. Buni ko'rish hayratlanarli edi.

Men ularning rahbariyati bilan gaplashdim, keyin hozirgi klubim bilan hammasini muhokama qildim, nima qilish mumkinligini ko'rib chiqdik va birgalikda qaror qabul qildik. Quyidagi javobni berdim: "Men bu odamlarni yaxshi ko'raman, men qolishni xohlayman, endi ketmoqchi emasman".

Ular mening poziciyamni tushunishdi, ammo transfer oynasi yopilguncha taslim bo'lishmadi.

Yangi mavsumdagi ilk o'yinimiz oldidan ham hammasi tugadi, deb javob bergandim. Men hammasini qaytadan o'ylab ko'rishni xohlamadim. Albatta, bu juda katta taklif edi, hayratlanarli, bu mening hayotimni o'zgartirardi. Biroq men ham faoliyatim manfaati uchun qaror qabul qilishim kerak edi.

Biz faqat pul uchungina futbol o'ynamaymiz" - dedi “Napoli” forvardi.

Yozda "Al-Hilol" Osimhenga haftasiga 1 million evrodan ko'proq maosh to'lashga tayyorligi xabar qilingandi.