“Ordabasi” muxlislari: “O'zbekistondan ko'p narsani o'rganishimiz kerak. “Ikkinchi darajali” xorijlik futbolchilardan ko'ra, qo'shni davlatlardan o'yinchilarni olib kelgan maqul”

"UEFA CHempionlar ligasida kuchsiz jamoa yo'q. SHu bois, ojiz jamoa duch kelishini kutmasligingiz kerak. Raqib nomalum bo'lsa ham, "Petrokub" bilan o'yinda bo'lgani kabi kurash olib borishi mumkin. Moldovaliklarning o'yinlari menga yoqdi: yaxshi, ishonchli himoya, yaxshi hujum qilishdi.

Bizga hujumchi etishmadi. Islomxan va Tag'ibergen, nazarimda, bir taym o'ynab bera oladigan futbolchilar sirasiga kiradi. Ularning 90 daqiqa yuqori saviyada o'ynashga kuchlari etmaydi. Agar jamoa ikkinchi o'yinda xarakter namoyish eta olsa, keyingi bosqichga yo'l olishimiz mumkin. CHimkentda futbolni yaxshi ko'rishadi, lekin bu erda faqat yaxshi futbolchi bo'lishning o'zi kifoya emas - o'yinchida xarakter va ruh ham bo'lishi kerak. Futbolchilarda vijdon bo'lsa, muxlislar oldida uyatga qolmasliklari uchun borini berishlari kerak.

Biz chimkentliklar o'zbek futbolchilarini juda yaxshi ko'ramiz. O'tgan yili Abdixoliqov va Umarov chempion bo'lishimizga yordam berishdi. Umarov, umuman olganda, mahalliy jamoatchilikning yoqimtoylaridan biriga aylangan. U texnik jihatdan mohir va to'p uchun kurashdan qo'rqmaydi. Yaxshiboev joriy mavsumda yaxshi o'yin ko'rsatmoqda. Uzoq mamlakatlardagi tushunarsiz “ikkinchi darajali” xorijlik futbolchilardan ko'ra, O'zbekiston, Qirg'iziston va Tojikistondan futbolchilarni olib kelgan maqul, deb hisoblayman. Sizlardan o'rganadigan jihatlarimiz ko'p: O'zbekistonda futbol infratuzilmasi yaxshi rivojlangan, futbolga etibor yuqoriroq, yoshlarning rivojlanishi ham yaxshi bosqichda.

"Ordabasi"ning o'tgan yilgi chempion bo'lgan tarkibi hozirgi jamoadan ancha kuchli edi. Bizda barqarorlik etishmaydi, bu asosiy muammolardan biri sanaladi. To'g'ri, o'tgan yili jamoani Ulug'bek Asanbaev shakllantirganini inobatga olish lozim. "Ordabasi" muxlislaridan unga salom yo'llamoqchiman. U hozir O'zbekistonda ishlayotganidan xabarimiz bor. U chinakam futbol odami.

Afsuski, bazi ko'rolmaslar tufayli u klubimizni tark etishga majbur bo'ldi. Menimcha, bu rahbariyatning katta xatosi. Aynan Asanbaev chempion tarkibni yig'di, vaholanki, mavsum boshlanishidan oldin jamoada atigi 7-8 kishi qolgan edi. Keyin Asanbaevdan yordam so'rashdi va u yuqori sifatga ega jamoa yig'di. Qolaversa, mavsum boshida chempionlik haqida umuman gap-so'z bo'lmagandi: avvaliga shunchaki quyi ligaga tushib ketmaslik, Premer-ligada jon saqlab qolish reja qilingandi, asta-sekin yuqori va yuqoriga ko'tarilish haqida o'ylay boshlandi. Aynan Asanbaevga o'xshaganlarni futbolga jalb qilish kerak", dedi “Texas Fans” ishqibozlar guruhi vakillari.

Nikolay Egorichev suhbatlashdi.