“Oq-tepa” – “Mashal” uchrashuvidan keyingi fikrlar

Aleksandr Mochinov (“Oq-tepa” jamoasi bosh murabbiyi): - Kubok uchrashuvi bir o'yindan iboratligi va raqib oliy liga vakili ekanligining o'ziyoq bellashuv oson o'tmasligidan darak edi. SHunday ham bo'ldi. Qiziqarli bahsda biz g'alaba qozondik.

SHogirdlarim chempionatning dastlabki turlarida o'zlaridan kutilgan o'yinni namoyish qilib bera olishmayotgan edi. Bugun hammasi reja asosida o'tdi. Tabiiyki, bu natijada ham o'z aksini topdi.

Aleksandr Xomyakov (“Mashal” jamoasi bosh murabbiyi): - Hakamlar? Ular hammasini to'g'ri bajarishdi. Menda hakamlarga emas, balki futbolchilarimga etiroz bor. SHogirdlarimga raqib birinchi liga jamoasi bo'lsa-da, uchrashuv o'yin oson o'tmasligini uqtirgandim. Ammo baribir shunday qarash bo'ldi. Natijada mag'lubiyatga uchradik.

“Oq-tepa”ni haqli g'alabasi bilan tabriklayman! Navbatdagi bosqichda ham bu klubga omad tilayman!