Ollobergan Karimov: "Tailandga Osiyo chempioni bo'lish uchun borgan edik"

Jahon chempionati yo'llanmasi uchun chorak finalda Saudiya Arabistoni bilan to'qnash kelgan terma jamoamiz Ollobergan Karimov va Dilshod Abdullaevning gollari evaziga 2:0 hisobida g'alaba qozondi. Koreya bilan o'yinda esa ularga biroz omad etishmadi. Bu borada Ollobergan Karimovning fikri quyidagicha bo'ldi.

"Osiyo kubogi bir tarafdan yaxshi o'tdi, boshqa tarafdan niyatimizga oxirigacha eta olmadik. U erga chempion bo'lish uchun borgan edik. Xudoga shukur Jahon chempionatiga yo'llanma oldik. Qolganini Indoneziyada ko'rsatamiz. Saudiya Arabistoniga gol urganimdan so'ng Jahon chempionatiga chiqishimizga shubham qolmadi. Dilshodning golidan keyin esa ikki karra ishonchimiz ortdi. 

Janubiy Koreya bizga qaraganda bir kun ko'proq dam oldi. Vaziyatlarimizdan foydalana olganimiz yo'q",- deydi Ollobergan Karimov.