Oliy liga. "Navbahor" ketma-ket 8ta o'yinlik g'alabasiz seriyasiga barham berdi

TTYMI stadionida bo'lib o'tgan bahsda "Navbahor" "Obod"ni 2:0 hisobida mag'lub etdi va o'z hisobidagi ochkolar sonini 22taga etkazib oldi. Bu g'alaba "Navbahor"ning oliy ligada qatorasiga sakkiz o'yindan so'ng ilk uch ochkosi bo'ldi. CHunki jamoa bungacha oxirgi marta 7-turda "SHo'rtan" ustidan 1:0 hisobida zafar quchgandi. 

SHundan so'ng jamoa ketma-ket o'yinlarda g'alabaga erisha olmadi. Besh marta durang o'ynagan bo'lsa, uch bor mag'lub bo'ldi. O'yindan so'ng namaganliklar bosh murabbiyi Ilhom Mo'minjonov keyingi bellashuvlarda ham natija uchun o'ynashini, chunki "Navbahor"ga natija suv va havodek zarurligini aytib o'tdi. 

"Navbahor" qatorasiga sakkiz o'yinda g'alaba qozonmagan o'yinlarda "Paxtakor", "Lokomotiv", "Qo'qon-1912", "Buxoro", "Bunyodkor", "So'g'diyona", "Olmaliq" va "Nasaf" klublariga qarshi bahs olib borgandi. 

X.Xoliqov