OKMK futbol klubi shifokori notanish bolakayning hayotini saqlab qoldi

Sababi, tatilda bo'lgan OKMK futbol klubi shifokori Islom Abaev 6-iyul sanasida o'z do'stlari bilan CHirchiq daryosi bo'yida dam olayotgan chog'ida bir insonning hayotini saqlab qolishi mumkinligini tasavvur ham qilmagandi.  Biroq 10 yoshli bolakayning suvda cho'kish xavfi bilan oqib ketayotganligini ko'rib, o'z jonini xatarga qo'ygan holda daryoga sho'ng'idi va uning hayotini saqlab qoldi.

 Qutqaruv natijasida Abaevning o'zi ham biroz shamollab qoldi va kerakli muolajalarni oldi. SHifokorimiz mashg'ulotlarga qaytgach, OKMK futbol klubi bosh murabbiyi Mirjalol Qo'shoqovich jamoa azolariga halaskor qahramonligi haqida so'zlab berdi hamda Islom aka ahil jamoa tomonidan munosib ravishda rag'batlantirildi.

 Bu kabi harakat nafaqat shifokorlarga, balki barcha insonlarga hos hislatdir va OKMK jamoasi bunday oliyjanob kishilar uning safida ham borligidan faxrlanadi!