"Odil Junior" futbolchisi Italiyaga boradi

Tashrifdan ko'zlangan maqsad, "ChaCha Mustaqillik kubogi-2018" musobaqasida "Odil Junior" futbolchilarini kuzatish edi. Har ikkala murabbiy "Milliy" stadion hududidagi maydonda o'tkazilgan musobaqani diqqat bilan kuzatib borishdi va 2006-2007 yilda tug'ilgan futbolchilar turniri yakuniga etgach, "Odil Junior"ning Italiyaga qaysi futbolchisini taklif qilishlarini aytishdi.

Gap shundaki, "Odil Junior" hamda "Karpi" futbol akademiyasi o'rtasida bir yillik memorandum imzolangan bo'lib, unga ko'ra o'tgan yil "Odil Junior"ning 2008 yilda tug'ilgan futbolchilari Italiyaga borib beshta o'rtoqlik uchrashuvi o'tkazib qaytishgandi. Endi navbat italyanlarning yurtimizga kelishlariga etib keldi va ikki nafar murabbiy 13 avgust kuni Milandan Toshkent sari parvoz qilishdi.

Har ikkala tomon o'zaro imzolagan memorandum ko'ra, "Odil Junior" bolalar futbol maktabining ikki nafar tarbiyalanuvchisi yil so'nggida yoki keyingi yil boshida Italiyaga yo'l olishi belgilab qo'yilgan. Bolakaylar "Karpi" futbol akademiyasiga borib o'z mahoratlarini oshirib qaytishadi.

Yakopo Kiaramoni bilan Adriano CHesarini Toshkentda o'tkazilgan musobaqani kuzatib, "Odil Junior"ning 2006 yilda tug'ilgan tarbiyalanuvchisi 4-raqamli o'yinchi Danil Panfyorovni "Karpi" futbol akademiyasi rahbariyatiga tavsiya qilishlarini malum qilishdi. Ertadan 2008 yilda tug'ilgan futbolchilar uchun "ChaCha Mustaqillik kubogi-2018" musobaqasi start oladi. SHuningdek, bir hafta mobaynida mashg'ulotlar ham o'tkaziladi. Ana shundan so'ng italiyalik murabbiylar "Karpi"ga ketadigan ikkinchi yosh o'yinchini tanlab olishadi.

SHuni aytib o'tish joiz, Italiyaga borib keladigan omadli ikki nafar bolaning barcha sarf-xarajati "Tudor" savdo belgisi tomonidan qoplanadi.