OCHL uchun o'zaro kurashadigan ikki jamoa Bikmaevga qiziqmoqda
05 dek 2017 13:20
Yangiliklar

OCHL uchun o'zaro kurashadigan ikki jamoa Bikmaevga qiziqmoqda

O'zbekiston chempioni, O'zbekiston kubogi sohibi va Oliy liga to'purari - Marat Bikmaev kelasi mavsumda jamoasini o'zgartirishi mumkin.

Kechagi final o'yinidan keyin "Lokomotiv" bosh murabbiyi Andrey Miklyaev Marat Bikmaevga nafaqat "Paxtakor", balki boshqa jamoalardan ham taklif borligini tasdiqladi.

Miklyaev Marat Bikmaevning keyingi taqdiri ko'proq futbolchining yakuniy qaroriga bog'liq bo'lishini qo'shimcha qildi.

Saytimizda yaqinda chop etilgan <Oliy liga: Qishda amalga oshishi mumkin bo'lgan "qaynoq" transferlar o'ntaligi (TOP-10)> maqolada Marat Bikmaevga "Paxtakor" hamda Qatarning "Al Garafa" jamoalari qiziqayotganligi haqida jurnalist SHahboz Beg'amov to'xtalgandi.

Eng qizig'i, Marat Bikmaevga qiziqayotgan ushbu ikki klub 30 yanvar kuni OCHL guruh bosqichiga chiqish uchun pley-off uchrashuvida o'zaro to'qnash keladi.

Havola :

Manba : championat.asia

Yangiliklarni Telegramda o'qing!

Reyting: +19