OCHL. “Al Hilol” musobaqa finaliga 9-marotaba yo'l olib, rekordini yangiladi. Riyodliklar 2017 hamda 2019 yillarda “Urava”ga qarshi to'qnash kelgan
26 fev 2023 22:50
Yangiliklar

OCHL. “Al Hilol” musobaqa finaliga 9-marotaba yo'l olib, rekordini yangiladi. Riyodliklar 2017 hamda 2019 yillarda “Urava”ga qarshi to'qnash kelgan

Biroz oldin Osiyo chempionlar ligasi 1/2 finalida o'rin olgan “Al Hilol” hamda “Al Duhayl” o'rtasidagi bahs yakunlandi va unda riyodliklar o'ta yirik g'alabani qo'lga kiritdi – 7:0.

“Al Hilol” o'z tarixida 9-marotaba (1991, 2000, 2019, 2021 yillar chempion bo'lgan, rekord) mazkur musobaqa finaliga chiqib, o'z rekordini yangiladi. Ularga hal qiluvchi bahsda Yaponiyaning “Urava” jamoasi raqiblik qiladi. Etiborlisi, ikkala jamoa 2017 hamda 2019 yillarda OCHL finalida o'zaro to'qnash kelgan.

2017 yil ikki o'yin natijasiga ko'ra, “Urava” (1:1, 1:0) g'olib kelgan bo'lsa, keyingisida “Al Hilol” raqibiga imkoniyat qoldirmagan – 1:0, 2:0.

Yaponiyaliklar o'z navbatida 4-marotaba hal qiluvchi bahsga yo'l oldi. Ular hisobida 2 ta (2007, 2017) titul bor.

Eslatib o'tamiz, OCHL joriy mavsumining finali ham oxirgi yillardagi kabi 2 o'yindan iborat bo'ladi. Dastlabki uchrashuv 29 aprel kuni, javob bahsi esa 6 mayga belgilangan.

Malumot o'rnida, musobaqa 2002 yildan Osiyo CHempionlar Ligasi nomini olgan. Ungacha esa klublar o'rtasidagi Osiyo chempionati (1967-1972) hamda Osiyo chempionlar kubogi (1985-2002) nomi bilan atalgan.