OAV: Ronald Kuman Gollandiya termasini boshqaradi

De Telegraaf nashrining tasdiqlashicha, 54 yoshli mutaxassisning tanishtiruv marosimi keyingi haftaning juma kuni o'tkazilishi kutilmoqda.

Xabar berishlaricha, Gollandiya Qirolligi futbol uyushmasi terma jamoaga yangi murabbiyni topish uchun salkam 100 kun sarfladi. Yakunda bu o'ringa Kuman eng munosib nomzod sifatida ko'rildi. Uning shartnomasi 2022 yilgi JCHga qadar tuzilishi kutilmoqda.

Eslatib o'tamiz, Gollandiya terma jamoasi Evro-2016 va JCH-2018 musobaqalarining final bosqichiga chiqa olmadi. O'tgan yilning noyabr oyida Dik Advokat istefoga chiqarilgach, qirollik bosh jamoasi bosh murabbiyi lavozimi bo'sh turgandi.