Nunu Eshpiritu Santu: "Karim Benzema o'yinga shay holatda edi, lekin oxirgi mashg'ulotda u o'zini noqulay his etdi, shu bois unga dam berishga qaror qildik"

"O'yinni ajoyib ruhda boshladik, yaxshi pressing tashkillashtirgan holda raqib darvozasiga birin-ketini ikkita to'p kiritdik. Raqib darvozasi yonida xavfli hujumlar tashkil etdik hamda birinchi bo'limni to'liq o'z nazoratimiz ostida o'tkazdik. 

Ikkinchi bo'limda ko'proq to'pga egalik qilishga etibor qaratdik va o'yin nazoratini qo'lga oldik. Jamoaning jismoniy holati pasayishi normal holat. Endilikda payshanba kuni o'tkaziladigan "Al Fath"ga qarshi bellashuvga qadar tiklanishimiz hamda yaxshi tayyorgarlik ko'rishimiz muhim ahamiyat kasb etadi. 

Ikki bo'limning turlicha o'tishi futbolda normal holat hisoblanadi. Bazida hisobda oldinga chiqib olib, o'yin nazoratini qo'lga olganingizda, bo'shashish yuzaga keladi. Kelgusida bu nuqsonlarni to'g'rilashga harakat qilamiz.

Kecha matbuot anjumanida ko'rganingizdek, Karim Benzema o'yinga shay holatda edi, lekin oxirgi mashg'ulotda u o'zini noqulay his etdi, shu bois unga dam berishga qaror qildik. Aslida, uning jarohati jiddiy emas", dedi portugaliyalik mutaxassis.