"Neftchi" - "Paxtakor": uchrashuv raqamlari va malumotlar

Milliy chempionat tashkil etilganidan buyon oliy ligada muntazam ishtirok etib kelayotgan uch jamoadan ikkisining to'qnashuvi eng principial qarama-qarshilik sifatida etirof etiladi. Har ikki klub o'zaro o'yinlarda bir-biridan eng ko'p ochko tortib olgani buni tasdiqlaydi.

Jamoalar oliy ligada 50 o'yin o'tkazishgan. Kichik ustunlik "Paxtakor" tarafida - 23 g'alaba, 7 durang va 20 mag'lubiyat. Raqib darvozasiga 81 to'p kiritgan "sherlar" 66 to'p o'tkazib yuborishgan. Farg'onadagi bellashuvlarning 15tasida "Neftchi" g'olib chiqqan, 5tadan durang va jamoamizning g'alabasi kuzatilgan. Oxirgi ikki mavsumda farg'onaliklar o'z maydonidagi bahslarda zafar quchishgani etiborga molik.

Jamoalar O'zbekiston Kubogida 15 uchrashuv o'tkazganlar va "Paxtakor" ularning 12tasida ustun kelgan. 3 bellashuvda raqibning yutug'i kuzatilgan. "Paxtakor-79" xotira turniri va "Toshkent xalqaro turniri" finallarida ham jamoalarning to'qnashuvi ro'y berib, ularda jamoamiz muvaffaqiyatga erishgan.

"Paxtakor"ning eng yirik g'alabasi 6:1, "Neftchi"da esa 4:0 hisoblanadi. Rustam Do'rmonov o'zaro uchrashuvlarda 12 to'p kiritgan. SHuhrat Maqsudov esa har ikki jamoa tarkibida gol urgan yagona o'yinchi sanaladi.

Farg'onadagi bahsni Rustam Bobomurodov boshqarib boradi. Hozirgacha u oliy ligada jamoamiz ishtirokidagi 9 uchrashuvda hakamlik qilgan. Ularda 5 g'alaba, 3 durang va 1 mag'lubiyat kuzatilgan.

"NEFTCHI" - "PAXTAKOR"
Hakamlar: Rustam Bobomurodov (Navoiy), Artyom Kalinin (Qarshi), Andrey Capenko (Toshkent viloyati), Daulet Jalimov (Nukus).
Nazoratchi: Rashid Aytekov (Toshkent).
PFL vakili: Ahrol Inoyatov.

Yoshlar tarkiblari bahsi Qirgulidagi stadionda 7 mart, seshanba kuni 15:30da boshlanadi. Asosiy jamoalar o'yini 8 mart, chorshanba kuni Farg'onadagi "Istiqlol" stadionida 15:00da start olishi rejalashtirilgan.