So’nggi yangiliklar

02:03Ла Лига. "Атлетико" "Реал Сосьедад"га қарши ўйинда 84-дақиқада гол ўтказиб, ғалабани қўлдан бой берди  1 02:00А Серия. "Фиорентина" 3та пенальти голга айланмаган ўйинда "Милан"ни мағлуб этди, ҳакам 2та қизил карточка кўрсатди, Де Хеа эса учрашув қаҳрамонига айланди!  3 01:55Лига 1. ПСЖ меҳмонда "Ницца"ни ютолмади  0 00:34Ўзбекистон кубогининг янги эгаларига аталган карикатура  0 23:24Хендерсон АПЛга қайтиши мумкин  0 23:09РПЛ. ЦСКА Москва дербисида "Динамо"ни мағлуб этди, Файзуллаевдан навбатдаги гол  6 23:06А Серия. "Рома" "Монца" билан дуранг ўйнади, Шомуродов 86-дақиқада захирадан туширилди  12 22:57БАА чемпионати. "Ал Ваҳда" меҳмонда "Ал Айн"ни мағлуб этди, Эркинов захирада қолдирилди  1 22:50Футзал бўйича ЖЧ. Украинлар Тошкентдаги "жанг"да ғалаба қозонишди, Бразилия чемпион!  1 22:34Бундеслига. "Бавария" 6та тўп киритилган ўйинда 90+4 дақиқада тўп ўтказиб, ғалабани қўлдан чиқарди  7 22:26АПЛ. "Брайтон" "Тоттенхэм"га қарши ўйинда 0:2ни 3:2га ўзгартирган ҳолда камбэк қайд этди  3 22:03Лига 1. "Ланс" меҳмонда "Страсбур" билан жанговар дуранг ўйнади, Ҳусанов баҳсда доимгидек тўлиқ ҳаракат қилди  8 21:45Футзал бўйича ЖЧ-2024. Бразилия Аргентинани мағлуб этиб, олти карра жаҳон чемпионига айланди  6 21:17Ла Лига. Левандовскининг 25 дақиқа ичида қайд этган хет-триги "Барселона"га меҳмонда "Алавес" устидан ғалабани тақдим этди  16 21:13Эрон чемпионати. "Фулад" меҳмонда "Тракторсози"ни мағлуб этди, Юсупов тўлиқ ҳаракат қилди  4

“Navbahor”ning Navro'z tadbiri Yangiliklar

“Navbahor”ning Navro'z tadbiri

21 mart kuni Namangan shahridagi “Orzu” tantanalar majmuasida “Navbahor” futbol klubining yangilanish va yasharish ayyomi bo'lgan Navro'z bayramiga bag'ishlangan tadbiri bo'lib o'tdi.

Unda “Navbahor” PFK rahbariyati, jamoa azolari, OAV xodimlari va jamoaning jonkuyar, faol, fidoyi hamda sodiq muxlislari ishtirok etishdi.
Tadbir davomida sanatkorlar o'zlarining dilrabo kuy-qo'shiqlarini yig'ilganlarga taqdim etishdi.

Bayram tantanasiga kulgu va so'z ustasi Iskandar Hamroqulov tashrif buyurib, sevimli jamoamiz “Navbahor”ga joriy mavsumda omad yor bo'lishi, chempionlik unvoniga sazovor bo'lishini tiladi hamda yig'ilganlarga o'zining ichakuzdi hangomalari bilan tabassum hadya etdi.

Keyin so'z navbati Namangan viloyat futbol associaciyasi birinchi vice-prezidenti Bahrom Muhitdinovich Xolmirzaevga berildi. Bahrom Muhitdinovich o'z so'zida bu yil “Navbahor”ning 40 yillik yubileyi keng miqyosda nishonlanishi, shu munosabat bilan klub rahbariyati tomonidan jamoa logotipi va emblemasiga o'zgartirish kiritilib, unda lochin qushi aks etganligi, jamoaning taqdimot va Namangandagi joriy  mavsumning ochilish marosimi tantanali tarzda o'tkazilganligi, mazkur tadbirlarning videoroliklaridan mamlakatimizning barcha futbol ishqibozlari bahramand bo'lishgani, Namangandagi ochilish marosimiga O'zbekiston Milliy olimpiya qo'mitasi prezidenti, O'zbekiston futbol associaciyasi birinchi vice-prezidenti, CAFA prezidenti Umid Mahammadjanovich Ahmadjonov tashrif buyurganligi, Umid Mahammadjanovich Superliga 3-turi doirasidagi “Navbahor” – “Lokomotiv” jamoalari o'rtasidagi uchrashuvni bevosita stadionda kuzatib, namanganlik muxlislarning o'z jamoalarini  qoyilmaqom tarzda qo'llab-quvvatlaganliklariga qoyil qolib, ularni etirof etganligini takidladi.

SHundan so'ng, “Navbahor”ni 1996 yili chempion bo'lishida munosib hissalarini qo'shgan bir qator marhum insonlar, jumladan, jamoani o'sha yili oltin medalni qo'lga kiritishida munosib hissasini qo'shgan, ko'p yillar davomida klub vice-prezidenti lavozimida faoliyat olib borgan Hakimjon Hoshimov, ko'p yillar mobaynida “Navbahor” safida to'p surgan, jamoaning  1996 yilgi chempionlik unvonini qo'lga kiritishida munosib hissasini qo'shgan yarim himoyachi Tohir Madrahimov, ko'p yillar davomida “Navbahor” muxlislari raisi bo'lib ishlagan Obidxon Mamasiddiqov, jamoaning fidoyi muxlislaridan Mahmudjon aka  Abdurahmonovlar yodga olinib, ularning oila azolariga tashakkurnomalar taqdim etildi.

Bundan tashqari, “Navbahor” murabbiyi Durbek Umaraliev, jamoa futbolchilari – Dilshod Jabborov, Mirzohid G'ofurov, Jahongir Mehmonov, Ayubxon No'monov, Azam Aliev, Ilhom Boydedaev, Azizbek Turg'unboev, shuningdek, “Navbahor”ning sobiq futbolchilari  - Alisher Mahmudov, G'ayrat Jo'raev, Sanjar Asqaraliev, ko'p yillar davomida “Navbahor” jamoasida futbolchi va murabbiy sifatida faoliyat yuritgan, “Navbahor” rekordchisi hamda jamoa afsonasi Usmon Asqaralievlarga ham tashakkurnomalar berildi. Alisher Mahmudov va G'ayrat Jo'raevga muxlislarning maxsus sovg'asi – chopon kiygizildi.

SHuningdek, Namangan viloyati sportini yuksalishida munosib hissa qo'shgan dzyudochi Ayubxon Kamolov, mazkur tadbirni uyushtirishda bosh – qosh bo'lib, o'zlarining munosib hissalarini qo'shishgan “Navbahor”ning fidoyi va jonkuyar muxlislari Muxtor Yusufbaev va Mubashsher Domlajonovga ham tashakkurnomalar topshirildi. Azizbek Turg'unboev O'zbekiston olimpiya terma jamoasiga jalb etilganligi bois, uning tashakkurnomasi berib qo'yish uchun jamoa sardori Dilshod Jabborovga, Sanjar Asqaralievniki esa otasi Usmon Asqaralievga taqdim etildi.    

Tashakkurnomalarni egalariga “Navbahor”ning ko'p yillik muxlisi Abdullo Ahmedov topshirdi.  

SHundan so'ng, “Navbahor” futbolchilari sanatkor Rahmatillo No'monov ijrosidagi “Navbahor” qo'shig'iga raqs tushishdi. Namanganlik yana bir hofiz, “Navbahor”ning ashaddiy ishqibozi SHavkat Qayumov (SHavkat Jayron) ham o'zining sevimli jamoamizga bag'ishlangan qo'shig'ini tadbir ishtirokchilariga kuylab berdi.

Tantanali kecha so'nggida hofiz Ramziddin Abdurahmonov o'zining dilrabo kuy-qo'shiqlarini yig'ilganlarga taqdim etdi va muxlislar unga raqs tushishdi.        

Reyting: +19   

Fikrlar

championat.asia
< so’nggi yangiliklarni ko’rish
Яндекс.Метрика