“Nasaf”da g'alaba, “Navbahor”da durang, OKMK va “Paxtakor”da esa... OCHLning g'arb mintaqasida birinchi tur bahslari yakunlandi

Ushbu musobaqadan O'zbekistonning to'rtta jamoasi ishtirok etmoqda.

A guruhida “Paxtakor” musobaqani mag'lubiyat bilan boshladi. “SHerlar” ilk turda kecha Toshkentda “Al Ayn”ga 0:3 hisobida mag'lub bo'ldi va turnir jadvalining oxirgi pog'onasiga tushib qoldi. Guruhning ikkinchi bahsida esa yana bir kutilmagan natija qayd etildi. Turkmanistonning “Ahal”i Saudiya vakili “Al Feyha”ni 1:0 hisobida mag'lub etdi.

B guruhida Qarshining “Nasaf” klubi musobaqani g'alaba bilan boshladi. “Ajdarlar” birinchi turda Iordaniyaga safar qilishdi va mahalliy “Al Faysaliy” jamoasini 90+7 daqiqada urilgan gol evaziga mag'lub etishdi. Guruhning ikkinchi bahsida esa “Al Sadd” va “SHarja” o'zaro durang o'ynashdi.

C guruhida Olmaliqning OKMK jamoasi ilk turda musobaqa bosh sovriniga davogarlardan biri bo'lmish “Al Ittihod”da qarshi maydonga tushdi. Mirjalol Qosimov shogirdlari ushbu bahsda 0:3 hisobida mag'lub bo'ldi. Guruhning ikkinchi bahsida "Al Quva Al Javiya" “Sepahon” bilan jangovar durang o'ynadi.

D guruhida OCHL guruh bosqichining debyutanti “Navbahor” bahslarga kirishdi. Namanganliklar ilk turda OCHLning to'rt karra chempioni “Al Hilol”ga qarshi maydonga tushdi. Malkom, Neymar kabi futbolchilariga qarshi kechgan bahsda Babayan shogirdlari g'alaba qozonishlari ham mumkin edi, biroq 100 daqiqada o'tkazib yuborilgan gol, namanganliklarni g'alabadan mahrum qildi. Guruhning ikkinchi turida “Nassadji Mazandaran” “Mumbai Siti”ni mag'lub etdi.

G'arb mintaqasida o'zbek klublari yo'q yagona guruh. Biroq bu erda Ronaldu boshchiligidagi “Al Nassr” bor. Saudiyaliklar ilk turda “Persepolis”ni mag'lub etdi. Ikkinchi uchrashuvda esa “Al Duhayl” Tojikistonning “Istiqlol”ini mag'lub eta olmadi.

OCHLning ikkinchi tur bahslari 2-3 oktyabr kunlari bo'lib o'tadi. 2-turda "Nasaf" "Al Sadd"ni, OKMK "Al Quva Al Javiya"ni, "Navbahor" "Mumbai Siti"ni qabul qilsa, "Paxtakor" Saudiya Arabistoniga safar uyushtirib, "Al Feyha"ga qarshi maydonga tushadi.