MYU muxlislari "Arsenal" bilan o'yin oldidan norozilik namoyishi o'tkazadi

Ular katta norozilik yurishini rejalashtirmoqda va barcha ishtirokchilardan qora kiyimda kelishni so'ramoqda. Ularning fikricha, bu "klubning asta-sekin o'lib borayotgani"ni ifodalaydi.

"Klub ko'z o'ngimizda o'lib bormoqda – ham maydonda, ham undan tashqarida. Buning uchun klub egalari javob berishi kerak. Biz muxlislarni birlashishga va "Manchester Yunayted"ni barbod qilishda davom etayotgan Gleyzerlarga qarshi turishga chaqiramiz", – dedi The 1958 guruhi vakili Stiv Krompton.

"Manchester Yunayted" va Arsenal o'rtasidagi qarama-qarshilik 9 mart kuni Toshkent vaqti bilan 21:30 da boshlanadi. Manchester jamoasi hozir APLda 33 ochko to'plab, 15-o'rinni egallab turibdi.