Murodjon Aliev “Do'stlik” ordeni bilan mukofotlandi

O'zbekiston Respublikasi Prezidentining “O'zbekiston Respublikasi Mustaqilligining yigirma to'rt yilligi munosabati bilan davlat xizmatchilari hamda ishlab chiqarish va ijtimoiy-iqtisodiy sohalar xodimlaridan bir guruhini mukofotlash to'g'risida”gi farmoni bilan Vatanimiz mustaqilligini mustahkamlash, uning iqtisodiy qudratini yuksaltirish, yosh avlodni ona yurtga muhabbat, istiqlol g'oyalariga sadoqat ruhida tarbiyalash ishlariga qo'shgan munosib hissasi uchun O'zbekiston Respublikasi Madaniyat va sport ishlari vazirining sport ishlari bo'yicha birinchi o'rinbosari Aliev Murodjon Bokievich “Do'stlik” ordeni bilan mukofotlandi.

Takidlash kerakki, Murodjon Aliev futbol bo'yicha O'zbekiston milliy terma jamoasi hamda Toshkentning “Paxtakor” klubi tarkibida futbolchilik faoliyatini olib borgan. “Paxtakor” tarkibida 11 mavsum davomida (1988, 1991 - 2000) harakat qilgan Aliev faoliyati so'nggida Bekabodning “Metallurg” (2001 yil) hamda Toshkent viloyatining “Do'stlik” (2002 yil) jamoasi sharafini himoya qilgan. O'zbekiston milliy terma jamoasi safida esa 6 uchrashuvda maydonga tushgan.