Muhsin Nizomiddinov: "Bugun o'zimiz kutgan o'yinni namoyish eta oldik"

- O'yin haqida...

- Ikkinchi davra uchrashuvlari boshlangani bilan barchani tabriklayman. Bugun o'zimiz kutgan o'yinni namoyish eta oldik. Raqibimiz ham kuchli jamoalardan biri edi. G'alaba bilan muxlislarimizni va klubga mehnati singayotgan barchani tabriklayman. "SHo'rtan"ga kelgusi bahslarda omad tilayman. 

- Isoqjonov nega erta zaxiraga olindi? Uning o'yinidan ko'nglingiz to'lmadimi?

- U o'yindan uch kun avval guruhga qo'shildi. Qolaversa, u tovonidan biroz lat egandi. Tiklanish jarayoni og'ir bo'ldi. Isoqjonovni kuchli futbolchi deb bilamiz hamda uning tajribasiga ishonamiz. Jarohati sababli uni zaxiraga oldik va o'rniga yosh va tezkor o'yinchini maydonga tushirdik. SHu bois, qaror qabul qilishda adashmadik, deb o'ylayman. 

- Hujumchilardan qoniqish hosil qilyapsizmi?

- Ha. To'g'ri, ularda biroz kamchiliklar ko'zga tashlanmoqda. Biroq hali ikkinchi davraning ilk uchrashuvini o'tkazdik. Davralar oralig'ida o'rtoqlik o'yinlari orqali tayyorgarlik ko'rdik. O'sha bahslarda oldingi chiziq vakillari menda yaxshi taassurot qoldirdi. Bu borada hali ishlaymiz.