MTJ mashg'ulotlarining ikkinchi kuni

Ikkinchi kun mashg'ulotlarida aytarli o'zgarish bo'lmadi. Faqat kubok o'yinidan keyin shunchaki shug'ullangan futbolchilar umumiy guruhga qo'shildilar, xolos. Bugun Sergeev bilan Kozak ham mashg'ulotlarda ishtirok etishni boshlaydi.

Engil chigalyozdi mashqlaridan keyin SHuhrat Maqsudov futbolchilarimizni ikkiga bo'ldi.
"Qizillar" tarkibi: Suyunov, To'xtaxo'jaev, Hasanov, Hoshimov, Tursunov, Musaev, Iskanderov, Mullajonov, Sobirxo'jaev, SHoahmedov va o'yinchi kamligi bois Ashurmatov.
"Ko'klar": Nesterov, aka-uka Ahmedovlar, Yo'ldoshev, Krimec, Zoteev, Musaev, Muhammadiev, Rashidov, Nagaev, Olimov.

Aynan shu futbolchilardan iborat terma Olmaliqda bo'lib o'tadigan o'yinda terma jamoamiz sharafini himoya qilishi kutilyapti.

Bevosita mashg'ulotlarni kuzatar ekanman, Navro'z Olimov va Husniddin G'ofurov kabi futbolchilarimizni begonasirayotganini ko'rdim. Yigitlar, o'zingizni qo'lga oling. Kelajak sizlarniki!

Darvozabonlarimiz bilan odatdagidek Pyotr Gizimchuk ishladi. To'g'risini aytaman, avvallari bu mutaxassisning ishi uncha yoqmasdi. Ammo yillar davomida tajribasini oshira olganini ko'ryapman. Mashg'ulotlar davomida posbonlarimiz harakatini ko'p marotaba kuzatganim uchun, ulardagi o'zgarishlarni payqamasdan bo'lmasdi. Akbar To'raevning kichik jarohati borligi uchun yakka tartibda mashg'ulot o'tkazdi.

Bugungi mashug'lotlarni Mirjalol Qosimovning o'zi o'tkazadi va ertaga maydonga tushadigan tarkib ham bugun aniqlanadi.