Mirjalol Qosimov "Nasaf"ga qarshi o'yindan keyin nimalar dedi?

- Biz uchun bu bahs juda muhim edi. Qolaversa, ikkala jamoa bir-biriga munosib raqiblar edi. O'yin ham shunga munosib tarzda kechdi. Ikkinchi taymda ochiq futbol bo'ldi. Bizga g'alaba zarurligi bois hujumga o'tishga harakat qildik. O'z imkoniyatlarimizdan unumli foydalandik va muhim uch ochkoni qo'lga kiritdik.
CHempionlik uchun kurashga qo'shilamizmi? SHuni aniq ayta olamanki, meni boshqaruvimdagi jamoa qanday tarkibda tushsa ham g'alaba uchun kurashadi.

"Bunyodkor"dagi futbolchilarni yosh bola demasdan, ularni maqtamay tursanglar, balki chempionlik uchun kurashga qo'shilarmiz. Bunga jurnalistlar ham yordam berishlari mumkin (kuladi).

Hamdamov kichik jarohati bilan o'ynab yurgandi. Farg'onada ham uni zaxiraga olgandim. Bugun ham Hamdamov ko'p vaziyatlarda chap oyog'ida tepmadi. Lekin o'yindan oldin uchrashuvga tayyorligini bildirgandi. O'yin davomida esa bu sezildi va Doston o'z darajasida o'ynolmadi. SHu sababdan uni almashtirishga to'g'ri keldi. Zaxiraga olganimdan keyin oyog'ingda og'riq bormi, desam, ha dedi. Maydonga tushgandan keyin maydonda to'liq mehnat qilish kerak. Agarda jarohati bo'lsa, unda tavakkal qilib maydonga tushmasligi lozim.

Akmal SHorahmedovni jamoamda ko'rishni xohlayapman. Hozir esa uning "Nasaf" bilan shartnoma mavjud. Bilmadim, ko'ramiz, agarda Ro'ziqul rozi bo'lsa, Akmalni ikkinchi davrada jamoamizda ko'rishimiz mumkin. Aslida yil boshida Akmalga o'zim "Nasaf"ga o'tishni tavsiya qilgandim. CHunki ular xalqaro maydonga o'ynayotgandi, "Nasaf" kuchli va o'z oldiga yuqori maqsadlarni qo'yadigan ajoyib jamoa. SHu boisdan ham unga Qarshiga yo'l olishini maslahat bergandim. Endi esa SHorahmedovni tarkibga jalb etishga urinib ko'ramiz.

SHu fursatdan foydalanib, jurnalistlar, yani sizlar orqali O'FF prezidenti Mirabror Zufarovich Usmonovni tavallud ayyomlari bilan butun klub va o'zim nomimdan tabriklab qolaman. Mirabror Usmonovni o'zbek futboli rivoji yo'lida juda ko'p mehnatlari singan. Mirabror Zufarovichga sihat-salomatlik tilayman.