Mirjalol Qosimov: "Maydonda keskin kurash kechgani uchun kartochkalar ko'payib ketdi"

O'yindan keyingi matbuot anjumanining ikkinchi qismida toshkentliklar bosh murabbiyi Mirjalol Qosimov ishtirok etdi.

- Finalga chiqishni juda ham istagan edik. O'ylagan va ko'zlagan maqsadimizga etishganimiz albatta xursand qiladi. O'yin har ikkala jamoa uchun juda muhim edi. Maydonda keskin kurash kechdi va shu boisdan kartochkalar ko'payib ketdi. Bosh maqsad sari yana bir qadam odimladik.

"Dinamo" bir kishi kam bo'lib qolishiga qaramasdan munosib qarshilik ko'rsatdi.

Finalda kim bizga ko'proq noqulaylik to'g'dirishi mumkin? To'g'risi, men hozir "Metallurg" bilan o'yin haqida bosh qotirishni boshladim.

Jamoa hisobda oldinga chiqib olganidan keyin o'yinni bo'shashtirib yuborayotgani bizning eng og'riqli nuqtamiz hisoblanmoqda. Aynan shu ustida ish olib borilmoqda. Bu narsa bizga Navoiyda pand bergandi. Bu kamchilik bugun ko'p ham ko'zga tashlanmadi. SHu muammoni bartaraf etish bo'yicha ish olib boryapmiz.