"Mashal" klubi debyutantlarining fikrlari

SHu kuni mezbonlar safida o'zing debyut uchrashuvini o'tkazgan futbolchilardan qisqacha interviyular oldik.

SARDOR RAHMONOV

Men bu klubda debyut qildim deb his etmadim, chunki "Mashal" men uchun juda qadrdon jamoa. Bahs qizg'in o'tdi, men uchun uchrashuvning eng yorqin o'yinchisi Javohir Ilyosov bo'ldi. Xudo xoxlasa keyingi bahsda albatta g'alabaga erishamiz.



BOBUR QOSIMOV

Debyut  o'yinimdan unchalik qoniqmadim lekin menga ishonib asosiy tarkibda tushirgan trenerlarga rahmat aytaman kelgusi o'yinlarda bundan ham yaxshi harakat qilib jamoamiz bilan muxlislarni xursand qilishga harakat qilamiz.



ABDULLOH OLIMOV

Dastlabki turdagi mag'lubiyatimiz birinchi navbatda muxlislarimizni ranjitdi. Har qanday futbol muxlisi o'z jamoasining g'alabasidan umid qilib so'nggi daqiqalargacha bahsni kuzatadi. Navbatdagi bahs ham o'z maydonimizda bo'ladi, endi yana ochko yo'qotishga haqqimiz yo'q biz bu o'yinni ijobiy hal etamiz xudo xoxlasa.



ASILJON BEGIMQULOV

Debyut bahsim men uchun qoniqarli bo'lmadi. Raqibimiz ham ancha kuchli jamoa “Loko” safida terma jamoamizning eng kuchli vakillari bor, Muxlislarimizga rahmat bizni yaxshi qo'llab quvvatlab turishdi. Keyingi o'yinni foydamizga hal qilishga harakat qilamiz.



"Mashal" matbuot xizmati