"Mashal-BO'FM" - "Zomin" (1:0) uchrashuvidan so'ng murabbiylar fikri (FOTOGALEREYA)

Ushbu uchrashuv yakunlangandan so'ng har ikki jamoa bosh murabbiylari o'z haqida o'z fikrlarini bildirib o'tdi.

Spartak Murtozoev ("Zomin" jamoasi bosh murabbiyi):

"Bugun har ikki jamoa ham chiroyli o'yin ko'rsatdi. G'alaba bilan "Mashal"ni tabriklayman.  "Mashal" ning tarkibi borasida ijobiy fikr bildirishim mumkin. Yigitlarimiz bugun faqat yakuniy nuqtani qo'ya olmadi. Moliyaviy muammolar Birinchi ligadagi barcha jamoada bor. SHunday bo'lsa ham men nolimayman. Bizga etibor berayotgan ekan biz bu etiborga yarasha o'yin ko'rsatishimiz shart. Dastlabki maqsadimiz o'z mintaqamizda kuchli sakkizlikka kirib olib keyingi bosqichga chiqish."

Dilshod Andaev ("Mashal-BO'FM" jamoasi bosh murabbiyi):

"CHiroyli o'yin bo'ldi deya olmayman. Natija uchun ham harakat qildik. Boisi biz dastlabki ikki turda mag'lubiyatga uchragan holda hech qanday ochkoga ega bo'lgan edik. Yosh futbolchilarimiz berilgan barcha ko'satmalarni bajarishdi va ularga minnatdorchilik bildiraman.  Kelayotgan uchrashuvda bizga "Guliston" raqiblik qiladi va bu jamoa haqiqatdan ham jiddiy raqib bo'ladi. O'tgan yilgi Oliy liga tarkibini katta qismini saqlab qolgan deyishim mumkin.  Bizga raqibning kim bo'lishini ahamiyat yo'q. Biz g'alaba uchun chiqamiz va barcha imkoniyat boricha o'yin ko'rsatamiz.
Oxirgi 15 daqiqada hisobni ushlab qolish uchun himoyaga katta etibor qaratdik. Qarshi hujumdan omadimizni sinab ko'rdik"