Marat Miftaxutdinov: "Yigitlar har bir o'yinga g'alaba xohishi bilan chiqishyapti"

- O'yin haqida

- Albatta, qiyin o'yin bo'ldi. Birinchi navbatda "Nasaf" jamoasini bugungi g'alaba va kubokdagi muvaffaqiyat bilan tabriklaymiz. Bugungi o'yin oson o'tmasligini bilardik. "Nasaf" hozirda chempionlik uchun kurashmoqda. Tarkibimizda mahoratli futbolchilar etarli emas, aksariyati yosh. Masalan bugun himoyada bitta tajribali legioner futbolchi o'ynadi.

- "Dinamo"ning keyingi maqsadlari qanday?

- Aytib o'tganimdek, bizda tarkib borasida muammolar bor. Yigitlar har bir o'yinga g'alaba hohishi bilan chiqishayapti. Ammo, ko'rib turganingizdek, bizda tarkib va mahoratli futbolchilar borasida muammolar talaygina.

- Klub rahbariyatining jamoaga etibori yaxshimi?

- Albatta, yaxshi. Bizda moliyaviy masalalar bo'yicha muammo yo'q. Tarkib borasidagi muammolar selekciya jarayoni bilan bog'liq.

- "Dinamo" nega har o'yinda o'zgarishlarni juda erta amalga oshirmoqda?

- Aksariyat futbolchilar yosh. O'yinga kirishib ketishda xatoliklarga yo'l qo'yishmoqda. SHu sababdan o'zgarishlar qilishga majbur bo'layapmiz.

- SHohmalik Komilovning almashtirilishiga sabab nima?

- SHohmalik iqtidorli futbolchi. Biroq, bugungi o'yinda u jismonan tayyor emasligi ko'rinib qoldi. 

- Vadim Abramov nega matbuot anjumanida qatnashmayapti?

- Vadim Abramov samolyotga kech qolayotgan edi. SHu sabab o'rniga men kirdim. Bosh murabbiyga savollar bo'lsa keyinroq bemalol so'rab olishinglar mumkin. Jamoamizda yashiradigan hech qanday sir yo'q.