Marat Bikmaev: "Qizg'anchiq emasman"
07 sen 2018 13:37
Yangiliklar

Marat Bikmaev: "Qizg'anchiq emasman"

O'zbekiston terma jamoasi hujumchisi Marat Bikmaev Suriyaga qarshi o'rtoqlik uchrashuvidan (1:1) so'ng bahs haqida fikr bildirdi.

- Suriyaga qarshi bahsda g'alaba uchun nima etishmadi?

- "Superliganing so'nggi o'yinidan so'ng katta tanaffus bo'ldi. O'zbekiston chempionati bahslari har 5 kunda o'tkazilardi va bunday taqvimda formada bo'lamiz. Tanaffus katta bo'lgani tufayli biroz qiynaldik. Buning ustiga jamoada yangi murabbiy va yangi futbolchilar mavjud. Asta-sekinlik bilan bir-birimizni tushunib boryapmiz. O'rtoqlik o'yini bunga zamin yaratadi.

- Penalti belgilanganda uni ijro etish uchun Sardor Rashidov bilan bahslashib qoldingiz...

- Ko'pincha "Lokomotiv" safida ham penaltilarni tepishni talashib qolamiz. Bu normal holat. "Temiryo'lchilar" safida 11 metrlik jarima to'pini navbatma-navbat tepamiz. Qizg'anchiq emasman. Penalti ijro etaman desa, bunga qarshilik qilmayman - deydi Bikmaev.

Havola :

Yangiliklarni Telegramda o'qing!

Reyting: -15