"Manchester Yunayted" muxlislari Ten Xagning "gapiga kirib", janjallashdi

"Qizil iblislar" APLning ilk o'yinida yutqazgach, tomoshabinlar orasida katta norozilik kelib chiqdi. Klub ishqibozlari yangi murabbiy qo'l ostida g'alabalarga umid qilgandi, ammo u chippakka chiqdi. 

Natijadan so'ng "Old Trafford" tribunalarida mushtlashuv sodir bo'ldi.

Uchrashuvdan avval Ten Xag klub muxlislarini 12-o'yinchi bo'lishga chaqirgandi.

"Agarda biz masuliyat bilan o'z ishimizni bajarsak, bu muxlislarga yoqadi va ular ham shunga yarasha javob qaytarishadi. Menimcha, stadion kurash olib borish hamda qo'llab-quvvatlashga mo'ljallangan", dedi niderlandiyalik mutaxassis.

Ko'rinishidan, "Old Trafford"ga tashrif buyurganlarning bazilari bu chaqiriqni jiddiy qabul qilishgan.