Maklaren: "Faqat van Deyk MYU-1999 tarkibiga kira olgan bo'lardi"
15 fev 2020 16:06
Yangiliklar

Maklaren: "Faqat van Deyk MYU-1999 tarkibiga kira olgan bo'lardi"

Angliya terma jamoasi sobiq bosh murabbiyi Stiv Maklaren Virjil van Deyk haqida fikrlarini bildirib o'tdi.

Uning fikricha, "Liverpul"ning hozirgi tarkibidan faqat van Deyk 1999 yilgi "Manchester Yunayted"ning asosiy tarkibidan joy ola bilgan bo'lardi.

Joriy mavsum "Liverpul" APLda 75 imkoniyatdan 73 ochko jamg'argan va yakka peshqadam bo'lib turibdi. Hozirgi "Liverpul"ga Premer-liga tarixidagi eng buyuk jamoani ortda qoldirishi mumkin deya qaralmoqda.

Ammo, Maklaren Yurgen Klopp jamoasidan 1999 yil trebl qayd etgan "qizil iblislar" kuchliroq deb hisoblamoqda.

"Agar Virjil van Deyk Yap Stam bilan juftlikda o'ynaganida ajoyib tandem bo'lardi. Ulardan hech kim o'ta olmagan bo'lardi.

Lekin jiddiy aytadigan bo'lsam, van Deyk - o'sha jamoaning asosiy tarkibiga kira oladigan yagona o'yinchi. O'sha "Manchester Yunayted"ning tarkibiga va butun jamoada mavjud bo'lgan liderlik sifatlariga qarang. Liderlik sifati ular muvaffaqiyatining kaliti bo'lgan. "Liverpul" bu narsani o'zida endi-endi o'stirmoqda", - deya Maklarenning so'zlarini keltirdi "Sky Sports".