Luisma Ernandes: "Bizda hujum bilan bog'liq muammolar bor. SHunga qaramasdan yosh futbolchilarga imkon berayapmiz"
30 iyu 2022 22:25
Yangiliklar

Luisma Ernandes: "Bizda hujum bilan bog'liq muammolar bor. SHunga qaramasdan yosh futbolchilarga imkon berayapmiz"

Teglar : "Metallurg""Lokomotiv"Luisma Ernandes

Superliganing 13-turidan o'rin olgan "Metallurg" - "Lokomotiv" (1:1) uchrashuvidan so'ng mezbonlar bosh murabbiyi Luisma Ernandes o'z fikrlarini bildirib o'tdi.

O'yin haqida

- Albatta har ikki jamoa g'alaba uchun o'ynagani ko'rinib turdi. Bizda vaziyatlar ko'p bo'ldi, afsus foydalana olmadik. SHu sabab o'yin durang natija bilan yakuniga etdi. Bugungi o'yinda faqat g'alaba uchun maydonga chiqqandik. Jamoalarning kuchlari teng ekanligi yaqqol ko'rindi.

- So'ngi o'yinlarda darvozabonlar rotaciyasini amalga oshirayapsiz, buning sababi nima?

- Bu mening qarorim. Jamoamizda 3 ta darvozabon bor, ularning harakatlaridan mamnunman. O'yinlar davomida ularga navbatma-navbat imkon berayapmiz.

- Jamoangiz Superligada kam gol urib kelayotgandi. Bu nima bilan bog'liq?

- O'tgan haftada aytib o'tganimdek, bizda hujum bilan bog'liq muammolar bor. SHunga qaramasdan yosh futbolchilarga ham imkon berayapmiz. Vaziyatlarimiz bo'layapti, ammo foydalana olmayapmiz.

O'yinlar vaqti 19:00ga ko'chirildi. Balki issiq ob-havo tasiri sezilgandir. Lekin bu bahona bo'la olmaydi. Ketma-ket qisqa fursat ichida 4 ta o'yin bo'ldi, yigitlar tiklanishga ulgurishmayapti.

Bu o'yindan so'ng yaxshilab hordiq chiqaramiz va "Paxtakor" bilan o'yinga tayyorgarlikka kirishamiz.

Havola :

Manba : championat.asia

Yangiliklarni Telegramda o'qing!

Reyting: +1