Luis Kachorri nega 74-raqamni tanlagani, Superligada chempionlikka davogarlar hamda Italiya va o'zbek futboli haqida gapirdi

"Qiyin o'yin o'tkazdik, yakunda omad bizga kulib boqdi. Biz ko'prog'iga loyiqmiz, sababi o'yin davomida ko'plab imkoniyatlar yuzaga keltirgandik.

"Bunyodkor"da 74-raqamni tanlaganimning sababi, bu raqam onamning tug'ilgan yili bilan bog'liq.

Superligada chempionlik uchun davogar "Paxtakor", "Nasaf", "Neftchi" kabi kuchli klublar bor. Menimcha, ligadagi hamma jamoalar yaxshi darajaga ega. Shunchaki, biz o'z o'yinimizni namoyish etib, nimalarga qodir ekanligimizni isbotlashimiz zarur.

Italiya futboli bilan solishtirganda, o'zbek futbolida taktik o'yin kamroq, ammo shiddat yuqori, ko'proq yugurish talab etiladi. Uchrashuvlar jadallashib bormoqda", dedi 27 yoshli futbolchi.

Oqil Abdubarnoev suhbatlashdi.