"Lokomotiv"ning yangi futbolchilari qaysi raqamlarda o'ynashadi?

“Temiryo'lchilar” 4 nafar yangi futbolchini o'z saflariga ko'shib olishdi. O'zbekiston terma jamoasining uzoq yillik sardori Server Jeparov 6 yillik tanaffusdan so'ng yana oliy ligaga qaytdi. Janubiy Koreya va Saudiya Arabistoni chempionatlaridan to'p tepgan yarim himoyachi “Lokomotiv” safida 8-raqam ostida harakat qiladigan bo'ldi.

Oxirgi yillarni “Paxtakor” safida o'tkazgan Kaxi Maxaradze ham 2016 yilgi mavsumni “Loko”da boshlaydi. Gruziyalik futbolchi O'zbekistonga kelganida dastlab “Lokomotiv” tarkibida o'ynaganini ko'pchilik yaxshi eslasa kerak. Futbolchi “temiryo'lchilar” tarkibida 5-raqamda o'ynaydi.

Malayziya ligasida faoliyat olib borgan Sadriddin Abdullaev ham “Lokomotiv” uchun begona emas. Xorijga yo'l olishdan avval futbolchi aynan shu klub sharafini himoya qilgan. Yarim himoyachiga 7-raqamli futbolga topshirildi.

“Mashal” klubi tarbiyalanuvchisi hisoblangan SHerzod Fayziev bu yildan etiboran “Lokomotiv” sharafini himoya qiladi. 24 yoshli himoyachi Toshkent klubi safida 37-raqamda o'ynaydigan bo'ldi.

“Lokomotiv” safini qishda SHavkat Mullajonov, Ibrohim Rahimov, Lutfulla To'raev va Dilshod Rahmatullaev tark etishdi.