“Lokomotiv-BFK”– Xorazm viloyati chempioni

Bir necha kun davom etgan uchrashuvlar Urganch shahridagi “Dinamo” o'yingohida uyushtirildi.

Mazkur musobaqada vohaning 18 ta jamoasi ishtirok etdi. Barcha o'yinlar qiziqarli o'tdi. Ayniqsa, yarim final bahslari keskin kechganligi bilan muxlislarda iliq taassurot qoldirdi. Natijada, ushbu ikki o'yin bir xil hisobda yakun topdi, 1:0. Urganchning “Lokomotiv-BFK” jamoasi viloyat markazining boshqa bir jamoasi “Internat-Namuna”ni, “BO'SM-1”(Xiva) jamoasi esa “Dinamo”ni ana shunday hisobda mag'lubiyatga uchratdi.

3-o'rin uchun bo'lib o'tgan o'yinda “Internat-Namuna”chilar “Dinamo” vakillari ustidan 2:0 hisobida ustun kelishdi. Hal qiluvchi uchrashuvda Anvar Alimov ustozlik qilayotgan “Lokomotiv-BFK” yosh futbolchilari  xivalik tengqurlarini yirik, 3:0 hisobida dog'da qoldirishib, viloyat chempionligini qo'lga kiritishdi.

Ikrom XUDOYBERGANOV.