"Liverpul" muxlislariga qizil rangdagi kiyim kiymaslik tavsiya etildi

"Liverpul" muxlislariga Neapol shahrida o'z mehmonxonalarida qolish tavsiya qilinmoqda.

Yurgen Klopp shogirdlari chorshanba oqshomida "Napoli" mehmoni bo'ladi. Ushbu o'yinga tashrif buyurish uchun 2736 nafar muxlis "qizillar"ni safarda qo'llab-quvvatlash uchun chipta sotib oldi.

Klub ishqibozlarning o'yin kunidan avval mehmonxonada qolishlari, ko'chada yurgan taqdirda ham jamoa rangidagi liboslarni kiymaslikni tavsiya qildi.

Sababi, ular mazkur shaharda o'g'ri yoki talonchilarga, shuningdek, raqibning jizzaki ishqibozlariga duch kelib qolishi mumkin. Bu esa yaxshi oqibatlarga olib kelmasligi mumkin.