"Leypcig" Turkiya chempionati to'purarini xarid qilmoqda

"O'ylaymanki, kelishuv yaqin kunlarda amalga oshadi", – deydi nemis klubi sport direktori Markus Kreshe.

Bild'ning yozishicha, o'yinchining transfer miqdori taxminan 20 million evro va bonuslar sifatida qo'shimcha 4 millionni tashkil qiladi.

24 yoshli norvegiyalik bugun tibbiy ko'rikdan o'tishi kerak edi, ammo sobiq norvegiyalik futbolchi, hozirgi kunda jurnalist bo'lib faoliyat ko'rsatayotgan Yan Oge Fyortoftning so'zlariga ko'ra, u bekor qilingan, sabablari esa ko'rsatilmagan.

Syorlot Turkiya chempionatining o'tgan mavsumida 34 uchrashuvda 24 ta gol urdi va musobaqaning eng yaxshi to'purariga aylandi.