LegionerUz. Haydarov jamoasi Rashidovsiz qolgan “Al-Jazira”dan o'zib ketdi. Sardor Franciya chempionatiga borishi mumkin
30 jan 2018 08:44
Yangiliklar
LegionerUz. Haydarov jamoasi Rashidovsiz qolgan “Al-Jazira”dan o'zib ketdi. Sardor Franciya chempionatiga borishi mumkin
Jamoa mazkur turda “Dibba Al-Fujayrah” klubini qabul qilib, 2:1 hisobida ustun keldi. Haydarovda sariq kartochkalar soni 3 taga etgani sabab, u jamoadoshlariga yordam bera olmadi va o'yinni o'tkazib yuborishiga to'g'ri keldi.
Ajman Saoud Faraj Marzouq - 24', Bakary Kone - 68' |
Arabian Gulf League . 14-tur 29/01/2018, 17:15 1
:
2
Tugadi
|
Dibba Al Fujairah Diogo Acosta - 66' |
Sardor Rashidov
“Al-Jazira”ga katta maqsadlarda etib borgan Sardor Rashidov jamoani tark etgan ko'rinadi. Ayni paytda futbolchining o'zi bu savolga konkret javob qaytarganicha yo'q. SHunga qaramay, OAV Rashidovning “Al-Jazira”ni tark etgani borasida malumotlar chiqib ulgurdi.
Franciya chempionatida 8-o'rinni egallab turgan “Renn” futbol klubini Sabri Lyamushi boshqarib boradi. Mazkur mutaxassis 1 yil avval Sardor Rashidovga Qatarning “Al-Jaish” klubida ustozlik qilgandi. Ayni paytda Lyamushi Rashidovni Franciyaga olib kelishga qarshi emas va bu xabarni futbolchining o'zi ham inkor etmadi. Sardorning aniqlik kiritishicha, agar barchasi muvaffaqiyatli o'tsa, “Renn” Rashidovni o'ziga chorlashi mumkin. Murabbiy va futbolchining telefondagi suhbatiga ko'ra, transfer oynasi yakuniga qadar bu ishni amalga oshirishning imkoni yo'q, vaqt juda kam qolgan. SHu boisdan ham ish yozda amalga oshishi katta ehtimol.
Kecha “Jazira” futbolchilari chempionatdagi navbatdagi mag'lubiyatni qabul qilib oldi. Amaldagi chempionda ishlar joyida emas. Yaqindagina Ahmad Halil “Jazira”ni tark etib, Umar Abdulrahmon to'p suradigan “Al-Ayn” safiga borib qo'shilgandi. SHuningdek, Lassana Diarra ham ketib ulgurdi. Ko'rinishidan, Rashidov ham “Al-Jazira” bilan xayrlashgan. Biroq Sardorning o'zi bu borada aniq gap aytganicha yo'q. Aniq tomoni, u kechagi o'yin qaydnomasiga ham kiritilmagan.
Al-Nasr SC Marcelo Cirino - 6' |
Arabian Gulf League . 14-tur 29/01/2018, 20:00 0
:
1
Tugadi
|
Al-Jazira |
Rashidov borasida aniq bir gap aytish uchun biroz vaqt kerak bo'ladi. U o'zining kuchiga ishonadi, biroq tanlagan jamoasi uning ishonchini oqlay olmadi. Klublar o'rtasidagi Jahon CHempionatidan tashqari ham Sardor va “Al-Jazira” o'rtasidagi kelishuvlarning ayrim bandlarida vadalar bajarilmagan. Bu esa ikki tomon kelishuviga ko'ra, amaldagi shartnoma tugatilishiga zamin hozirlashi mumkin.
Evropaning kuchli beshlik milliy chempionatida to'p surish o'zbekistonlik futbolchilardan oz vaqtga bo'lsa-da Ilyos Zeytullaevga nasib qilgan. Yozda Rashidov bu borada ikkinchi o'yinchiga aylanishi mumkin (Piter Odemvingeni hisobga olmaganda). Ammo oldinda yozgacha etib olish missiyasi turibdi. Bu vaqt davomida Sardor formasini ushlab turish uchun ham qaysidir klub safiga borib qo'shilishi mumkin. Agentlari bu masalaga oydinlik kiritsa, Rashidovning o'zidan bor haqiqatni bilib olamiz.
Championat.asia statistikasi
Fikrlar