Legionerlar: SHackixdan rekord, Tursunovdan navbatdagi gol

ROSSIYA
Krasnodar klubi sharafini himoya qilayotgan O'zbekiston milliy terma jamoasi yarim himoyachisi Odil Ahmedov, o'tgan haftada o'z jamoasi safida Evropa Ligasi 2-tur o'yinida maydonga tushdi. O'z maydonida Angliyaning Everton klubini qabul qilgan Krasnodar 1:1 hisobida durang o'ynadi. Mazkur uchrashuvda asosiy tarkibda maydonga tushgan Ahmedov o'yinda to'liq 90 daqiqa harakat qilgan.

UKRAINA
4 oktyabr kuni Ukraina Premer-Ligasining 8-turi doirasida Zarya klubiga qarshi o'yinda raqib darvozasiga o'zining navbatdagi golini (Ukraina CHempionatlari tarixidagi 124-golini) kiritdi va Sergey Rebrovga tegishli bo'lgan rekordni (123 gol) yangiladi. SHu tariqa, 36 yoshli hujumchining Ukraina CHempionatlari tarixidagi gollari soni 124taga etdi va bu borada Premer-Liga tarixidagi eng yaxshi to'purarga aylandi.

Poltavaning Vorskla klubida to'p surayotgan O'zbekiston milliy terma jamoasi azosi Sanjar Tursunov mazkur turda o'z hisobiga yana bir gol yozib qo'yishga erishdi. Safarda Luckning Volin klubiga qarshi to'p surgan Vorskla yirik - 2:2 hisobida durang o'ynadi. Mehmonlarning o'yindagi ilk goliga esa 78-daqiqada Sanjar Tursunov mualliflik qilgan.

JANUBIY KOREYA
4 oktyabr kuni Janubiy Koreya K-Ligasida 30-tur bahslari bo'lib o'tdi. Seongnam klubida o'ynayotgan milliy terma jamoasi sardori Server Jeparov mazkur turda o'z maydonida chempionat etakchisi CHonbuk Motorz klubiga qarshi asosiy tarkibda maydonga tushdi va to'liq 90 daqiqa o'ynadi. Uchrashuvda Jeparov jamoasi 0:1 hisobida mag'lubiyatga uchragan.

BAA
20 sentyabr kuni BAA Pro-Ligasida 5-tur o'yinlariga start berildi. Dubayning Ash SHabob klubida to'p surayotgan O'zbekiston milliy terma jamoasi yarim himoyachisi Aziz Haydarov mazkur turda o'z jamoasi safida o'z maydonida Al Vaxda klubiga qarshi asosiy tarkibda maydonga tushib 90 daqiqa to'p surdi. Ash SHabob uchrashuvda 1:2 hisobida mag'lubiyatga uchradi.