La Liga hakamlarini tanqid qilgani uchun "Real"ga nisbatan ish ochildi

"Real" 3 fevral kuni o'zining rasmiy saytida Ispaniya qirollik futbol federaciyasiga (RFEF) La Liga doirasidagi "Espanol" (0:1) bilan o'yindagi hakamlik ustidan shikoyat qilib, hakamlar muntazam ravishda klub zarariga qarorlar chiqarayotganidan noroziligini va Ispaniyada hakamlik tizimini butunlay yangilashga chaqirgan.

11 fevral sanasida La Liga madridliklar xati yuzasidan RFEF tartib-intizom qo'mitasiga murojaat qilgan. 25 fevral sanasida RFEF La Liga etirozini qabul qilgan va "Real"ga nisbatan ish ochgan.

"Marca"ning xabariga ko'ra, Ispaniya qirollik futbol federaciyasi tartib-intizom qo'mitasi (RFEF) La Ligadan ariza kelib tushgach, "Real"ning o'ziga qarshi surishtiruv ishi ochgan.

Qo'mita tegishli jarayonlarni amalga oshirish va mavjud faktlarni tekshirish uchun instruktorni tayinlagan.

Malum qilinishicha, qaror elon qilingach, "Real" qarorga rozi emasligi yuzasida 10 ish kuni ichida ariza topshirishi mumkin. Mazkur vaziyatda klubga nisbatan maksimal jazo pul jarimasi ko'rinishida bo'ladi.