Kutilmagan burilish: Klopp "Borussiya D"ga qaytishi mumkin

Angliyaning "Liverpul" jamoasi bosh murabbiyi Yurgen Klopp Germaniyaning "Borussiya" Dortmund klubiga qaytishi mumkin, deb xabar bermoqda "The Independent".

Xabar qilinishicha, "sariq-qoralar" rahbariyati natijalardan norozi hamda bosh murabbiy va sport direktorini ishdan bo'shatishni rejalashtirmoqda. Klub Yurgen Kloppning qaytish imkoniyatini muhokama qila boshladi va kelasi yozda unga ish taklif qiladi.

Eslatib o'tamiz, joriy mavsum yakunida "Liverpul"ni tark etadigan Yurgen Klopp bir yilga tanaffus qilishini aytgan. U 2008 yildan 2015 yilgacha Dortmundning "Borussiya"sida ishlagan va "sariq-qoralar" bilan ikki marta Germaniya chempioni bo'lgan, Germaniya Kubogi va Superkubokni (2 marta) qo'lga kiritgan, "Borussiya"ni CHempionlar Ligasi finaliga olib chiqqan.