Kristian Gross: "Nasaf"ga qarshi o'yinda g'alaba uchun kurashamiz"

Xabaringiz bor Saudiya Arabistonining "Al Ahli" jamoasi belgilangan vaqtdan ancha kech Qarshiga safar uyushtirdi va mehmon jamoa bosh murabbiyi Kristian Gross bilan bo'lishi kerak bo'lgan matbuot anjumani o'tkazilmay qoldi. Jiddaliklar kecha kech soat 23:00da Qarshi xalqaro aeroportiga kelib qo'ndilar. "Al Ahli" jamoasi bosh murabbiyi Kristian Gross reysdan toliqib kelganiga qaramasdan, mehmonxonada "Championat.asia" saytiga o'yin oldi fikrlarini bildirib o'tdi.

"Bizlar keyingi bosqichga yo'l olib bo'lganmiz. Lekin biz uchun har bir o'yin muhim ahamiyatga ega. SHu bois "Nasaf" bilan bo'ladigan o'yinda faqat va faqat g'alaba uchun maydonga tushamiz. Qarshidan alo kayfiyatda ortga qaytishni rejalashtirganmiz. Tarkibda ikkita-uchta yo'qotishlar mavjud. SHuningdek, 47-raqamli futbolchimiz Bassas diskvalifikaciya tufayli o'yinni o'tkazib yuboradi. Mottas hamda Osama singari himoyachilarimiz ham maydonga tusha olishmaydi. Bizlar Qarshiga biroz ertaroq kelishimiz kerak edi. Biroq ayrim sabablarga ko'ra, vaqtida kela olmadik. Maydon holati va bu erdagi muhit bilan yaqindan tanishishni istagandik. Lekin bazi muammolar tufayli ushlanib qoldik. Jurnalistlar bilan o'yindan keyin albatta ko'rishamiz", - deya o'z fikrlari bilan o'rtoqlashdi "Al Ahli" bosh murabbiyi Kristian Gross.