Krishtianu Ronaldu "Arsenal" bilan o'yinga tayyor

"Qizil iblislar" bosh murabbiyi Ralf Rangnik futbolchilarning holatida haqida gapirdi. Bo'lajak uchrashuvda Skott Maktominey va Rafael Varan ham ishtirok etishi mumkin.

SHu bilan birga, "Liverpul"ga qarshi bilan o'yinda (0:4) jarohat olgan Pol Pogba "kanonirlar" bilan o'ynamaydi. Franciyalik futbolchi mavsumning qolgan qismini o'tkazib yuborishi mumkin.

"SHifokor uning tiklanishi uchun kamida to'rt hafta kerakligini aytdi. Menimcha, u ushbu mavsumda boshqa o'ynay olmaydi", dedi Rangnik.

Ronaldu 18 aprel kuni elon qilingan yangi tug'ilgan o'g'lining vafoti tufayli "Liverpul"ga (0:4) qarshi APL o'yinini o'tkazib yuborgandi. Ikki kundan keyin u mashg'ulotlarga qaytdi.

Eslatib o'tamiz, "Arsenal" ertaga, 23 aprel kuni "Manchester Yunayted"ni qabul qiladi.