"K.K 26" Akciyada hozircha 10 000 000 so'm yig'ildi

Sayt o'quvchilaridan esa "tahlil_va_tanqid", Odil aka SHaripov, SHuhrat Samandarov, Dilshod, va Jahongir akciyaga o'z ulushlarini qo'shdilar.

Ko'plab klublarimiz o'z saytlarida akciyada ishtirok etishlarini bildirishdi-yu, ammo amalda hali buni ko'rmayapmiz. "Lokomotiv" va "Nasaf" futbolchilari akciya avvalidanoq o'z ulushlarini qo'shib bo'lgan edilar. Asosiy maqsad Kenjaev uchun Qarshi markazida ikki xonalik kvartira uchun pul yig'ish. Ikki xonalik uyning narxi 90 000 000 so'm atrofida ekan. Hozircha 10 000 000 so'm pul yig'ildi. Bu borada Odil Ahmedov va Igor SHkviringa katta rahmat aytamiz.

SHkvirin nafaqat o'zi, balki murabbiylar shtabi tomonidan ham o'z hissasini qo'shdi va jamoasi futbolchilarini ham bu ishga chorladi. "Olmaliq" futbolchilari Toshkentda bo'lib o'tadigan tadbirda qatnashishlarini aytib o'tishdi.

Bu akciyadagi pullarning bir so'mi ham bizga kelib tushmaydi, shuning uchun har bir futbolchiga birma-bir borib pul so'ray olmaymiz. O'zbekiston futbolidagi deyarli barcha bu akciya haqida biladi, iltimos beetibor bo'lmang. Agar bu futbolchi 30 yoshga yaqinlashib falokatga uchraganida, shu kungacha pul yig'ib qo'ygan deb kuyib-pishmasdik, ammo o'sha paytning grandi bo'lgan "Paxtakor"ga rad javobini berib, faqat "Nasaf" degan bola hali qo'liga katta pul ushlashga ulgurmagan edi.

Oliy ligadan kerakli pulni yig'a olmaydigan ko'rinamiz, umidimiz legionerlardan. Hozircha ular akciyada jiddiy qatnashishlarini aytishdi. Ularning kelishini kutyapmiz.

Ayni paytga kelib 10 000 000 so'mga yaqin pul yig'ildi. "Gaz"ni bosishimiz kerak azizlar, "gaz"ni!

Birinchi tadbir 22 noyabr kuni Qarshidagi "Geolog" zalida bo'lib o'tadi. 14:00da boshlanadigan futbol shouda ishtirok eting va xayriya qiling.