Kazemironing jarohati jiddiy ekanligi tasdiqlandi

Braziliyalik futbolchi uchrashuvning boshida to'pig'iga zarba qabul qilib olgan, biroq u o'yinni davom ettirgan. Bu qaror esa noto'g'ri bo'lib chiqqan. Og'riqqa qaramay futbolchi maydonda qolishni istagan, ammo murabbiylar uni 79-daqiqada almashtirishgan.

"Globo Esporte" xabariga ko'ra, Kazemironing to'pig'ida katta shish bor, shu sababli u Urugvayga qarshi o'yinga tayyorlanish o'rniga, fizioterapevt kurslarini o'tagan.

Bugun futbolchi tibbiy ko'rikdan o'tadi va uning qancha muddatga safdan chiqqani aytiladi. Katta ehtimol bilan u jamoasi ixtiyoriga qaytib ketadi.