Jorjino "Vulverxempton"ga qarshi bahsda qatnashmasligi mumkin

"CHelsi" yarim himoyachisi Jorjino "Vulverxempton"ga qarshi APL 18-turini o'tkazib yuborishi mumkin. Bu haqda "ko'klar" bosh murabbiyi Tomas Tuuxel malum qildi.

"Jorjinoning ishtiroki menda shubha uyg'otmoqda. U "Vulverxempton"ga qarshi o'ynashi dargumon, u so'nggi o'yindagi jarohatidan hali tuzalmagan. Balki Kante va Kovachich asosiy tarkibda maydonga tushadi. Muvozanatni topish muhim, chunki biz Jorjinodan juda ko'p narsani kutamiz.

Loftus-CHik ham "Everton" bilan o'yinda jarohat olgandi. Endilikda tarkibda mutlaqo katta o'zgarishlar qilishga to'g'ri keladi", – dedi "aristokratlar" ustozi.

"Vulverxempton" – "CHelsi" uchrashuvi yakshanba kuni Toshkent vaqti bilan 19:00 da boshlanadi.