JCH saralash qurasiga bir hafta qoldi

Malumki, navbatdagi bosqichda jami 40ta jamoa ishtirok etadi va ular orasida O'zbekiston milliy terma jamoasi ham bor. Jamoalar 8tadan beshta savatchaga bo'lib chiqilgan.

Qura mexanizmiga ko'ra, har bir savatchadan bittadan jamoa olinadi va 40ta jamoa jami 8ta guruhda bahs olib boradi. O'zbekiston ikkinchi savatchadan joy olishi aniq bo'lgan.

1-savatcha: Eron, Yaponiya, Janubiy Koreya, Avstraliya, Qatar, BAA, Saudiya Arabistoni, Xitoy.

2-savatcha: Iroq, O'zbekiston, Suriya, Livan, Ummon, Qirg'iziston, Vetnam, Iordaniya.

3-savatcha: Falastin, Hindiston, Bahrayn, Tailand, Tojikiston, KXDR, Xitoy Taypei, Filippin.

4-savatcha: Turkmaniston, Myanma, Gonkong, Yaman, Afg'oniston, Maldiv orollari, Kuvayt, Malayziya.

5-savatcha: Indoneziya, Singapur, Nepal, Bangladesh, Mo'g'uliston, Guam, Kambodja, SHri-Lanka.

Eslatib o'tamiz, saralashning navbatdagi bosqichi 5 sentyabrda start oladi va kelasi yilning 9 iyuniga qadar davom etadi. Har bir guruhdan 1-o'rinni egallagan jamoa (8ta) va eng yaxshi ko'rsatkich qayd etgan to'rtta (4ta) ikkinchi o'rin sohibi keyingi bosqichga yo'l oladi.

Oz qoldi, yana bir haftadan so'ng O'zbekiston terma jamoasi o'z raqiblarini bilib oladi.